موبايل اقتصادي خراااافي .. لكن بعيب خطير!! | خفايا و مميزات و عيوب الـ Samsung A15

 

الموبايل ده مواصفاته على الورق رهيبة مقابل سعره الرخيص جدا!!

اصل لما اقولك موبايل فئة اقتصادية بنتكلم في حوالي 150 دولار، في السعودية حوالي 560 ريال في الامارات حوالي 520 درهم .. في مصر في حدود الـ 8000 جنيه ..

وبيقدم لك شاشة تقريبا هي الاقوى في السعر ده اموليد بسطوع عالي و تردد 90 هرتز ..

بيقدم لك معالج تقريبا هو الاقوى في السعر ده بنتكلم عن الميدياتك هيليو جي 99 و ذاكرة من نوع UFS ..

بيقدم لك تحديثات لمدة 4 سنين، ولاول مرة في الفئة دي دعم لميزة KNOX الخاصة بالامان ..

و تقريبا تبص على باقي المواصفات متعرفش تمسك عيب ..

لكن بعد كل ده لما جربته بقيت شوية عيوب كدا ممكن تقف عائق امام قرار شراءك للموبايل ده .. فخلينا نشوف العيوب دي و نشوف المميزات بالتفصيل و في الاخر اللخص لك التجربة و نشوف هل يستحق الشراء وسط المنافسين ولا لا ؟! 


مواصفات الهاتف:

المعالج: ثماني النواة Mediatek Helio G99 تكنولوجيا 6 نانو

التخزين: 128/256 جيجا بايت من نوع UFS

الرام: 4 أو 6 جيجا بايت من نوع DDR4X 

الكاميرا: خلفية ثلاثية 50 ميجابكسل الاساسية +5 ميجابسكل بزاوية واسعة +2 ميجابكسل تصوير ماكرو / امامية 13 ميجابكسل 

تصوير فيديو : حتى 1080P على 30FPS

 الشاشة: 6.5 بوصة بدقة FHD+ بها نوتش صغير 

السوفتوير: اندرويد 14 بواجهة One UI 6 قابل للتحديث حتى اندرويد 18 

البطارية 5000 مللي امبير بشاحن 15 واط 

فيديو المراجعة:

ملخص المراجعة:

المميزات:

- اقوى معالج في فئته السعرية بذات

- شاشة اموليد بمعدل تحديث عالي و سطوع عالي و تقنية Vision Booster لرؤية افضل تحت اشعة الشمس 

- كاميرا امامية باداء مميز في الفئة السعرية

- تصميم مشابه لهواتف سامسونج الاغلى

- يدعم تقنية دولبي اتموس في الصوت 

- به تسجيل مكالمات ( النسخة المصرية ). 

العيوب:

- ثقل في الواجهة اثناء الاستخدام اليومي 

- مستشعر تقارب ( مكالمات ) وهمي، مع ثقل الواجهة به بعض التأخير. 

- لا يأتي بشاحن ولا محتويات في العلبة 

- تصوير فيديو غير ثابت.