بسعر ١٣١ جنيه شهريا قدرت اخذ اشتراكات تخليني العب اتقل الالعاب اتفرج على مكتبة ترفيهية ضخمة + اشوف ماتشات فريقي المفضل + مكتبة صوتية ضخمة + اخذ خصومات كبيرة في الشراء من امازون! في الثريد ده هقولك كل اشتراكاتي واللي بفكر اشترك فيه
– اشتراك يوتيوب بريمويم + يوتيوب ميوزك = ١٥ جنيه يوتيوب بيتيح لك تشترك في خطة عائلية ب ٩٠ جنيه و تضيف ٥ كمان من اصحابك كل واحد فيهم ياخذ يوتيوب بريموم و يوتيوب ميوزك برده و بالتالي كل واحد هيدفع ١٥ جنيه بس
مميزاته: – ازالة الاعلانات – امكانية سماع الفيديوهات في الخلفية – تحميل الفيديوهات – كل المميزات دي علي عدد غير محدود من الاجهزة سواء هاتف او ديسكتوب او تيلفزيون او كونسول – ده غير يوتيوب ميوزك في محتوى ديني كويس و هيضاف له كمان حاليا محتوى البودكاست اللي علي يوتيوب.
– اشتراك امازون برايم + برايم فيديو + برايم جيمنج = ٢٠ جنيه ده واحد من افضل الاستثمارات اللي ممكن تعملها لانه ببساطة هيرجعلك سعر الاشتراك كامل في هيئة خصومات زيادة هتاخذها و شحن مجاني.
المميزات: – شحن مجاني و خصومات علي امازون – برايم فيديو عليه محتوى لطيف سواء اطفال او وثائقيات. الاشتراك السنوي ب ٢٥٠ جنيه بالتالي واقف عليك في الشهر ب ٢٠ جنيه تقريبا و فعليا انا شبه رجعلي فلوس الاشتراك تاني بسبب عروض امازون برايم في رمضان و العيد.
– اشتراك Pc Game Pass + EA Play = ٩٠ جنيه في الشهر! ده احسن استثمار ممكن تعمله لو انت جيمر، الجيم باس بقي موجود بشكل رسمي في مصر بسعر ٩٠ جنيه في الشهر ( هتاخذ ٣ شهور في الاول علي بعض ب ٢٥ جنيه)
وده عليه مئات الالعاب القوية جدا من كل استوديوهات الالعاب شخصيا اول لعبة لعبتها هي اساسين كريد اوريجنز و في فيفا ٢٣ هتنزل كمان كام يوم.
– اشتراك StarzPlay الرياضي = ١١ جنيه ده عشان انا مشجع يوفينتيني و محب للدوري الايطالي و ده اللي بيعرض عليه الدوري الإيطالي و السعر الخرافي ده حصلت عليه من عروض يوم ١١ ١١ حاليا اغلى بكتير بس ممكن تستني عرض و تشترك فيه زي كدا * في السعودية STC Tv هيديك اشتراك فيه *
الاشتراكات اللي بفكر فيها: – اشتراك Google One: بسعر ١٥٠ جنيه في السنة هيديك ١٠٠ جيجا علي جوجل درايف و شوية مميزات حصرية في Google Photos.
اشتراك لمستخدمي ابل: – اشتراك Apple One ب ١٥٠ جنيه شهريا هتاخذ كل خدمات ابل اللي هما ( Apple Tv+ /Apple Music / Apple Arcade / iCloud+) وحتي ممكن تشترك في اشتراك عائلي ب ٢٠٠ جنيه شهريا و تضيف ٥ تقسم معاهم الفلوس ( لكن خذ بالك مساحة الايكلود هتبقي مشتركة)
لو عندك خدمات تانية شايفها مميزة وسعرها حلو قولي في التعليقات
